((ولا تحسبن الذين قتلوا في سبيل الله امواتا بل احياءا عند ربهم يرزقون )) بالعلم نرتقي
 
الرئيسيةمكتبة الصورالتسجيلدخول

شاطر | 
 

 الجمهرة

اذهب الى الأسفل 
كاتب الموضوعرسالة
dina

avatar

عدد المساهمات : 34
تاريخ التسجيل : 24/08/2010
العمر : 23

مُساهمةموضوع: الجمهرة   30/8/2010, 20:00

إي بالله أخطوا والخطا اللي جابهم عين الصواب .......... مبطي وأنا أشوف الطمع يكشف رداهم وأستره

مايملي عيون الحسود بهالزمن غير التراب .......... ومن لايتوب من الخطا تحرم عليه المعذره

اللي من أولها خراب أكيد تاليها خراب .......... والبندق اللي ما تثوّر في هدفها تــــــذعــــره

ودك إليامن جاتك الغلطه من الناس القراب .......... الصاحب اللي ما كسبت محبته ما تخسره

مشكلتي إني ماعرفت أحسب لصدتهم حساب .......... قلطتهم صدري علـى ذكـري قصيـد وحنجـره

صوت ٍ يصول بمنبره وخطاب مامثله خطاب .......... والطيبه اللي زعزعت صوت الخطيب ومنبـره

مافيه دمع ٍ صوبوه أحبابي بوجهي وخـاب .......... ولا زرق حزنـي علـى غالـي ولافـج انحـره

كل الزهاب اللي معي ذكرى من أصحاب الزهاب .......... واللي بقالي من عذاب أشرس طريقي وأخطره

لأني تجنبت الغرق عديت من فوق السحاب .......... لأن أكثر أصحابي ورق..ماشفت للطيـب إثمـره

والله ما حطيت بين الحقد والخوه حجاب .......... حتى غدوا ربعـي يحدونـي علـى الضيـق أشكـره

البارحة ثارت علي رقاب وآوتني رقاب .......... البارحة .. يا ثقل دم البارح ويا محقره

أهب يا ويه الحسد وشلون جمعهم وغاب .......... كيف السنين اللي عطتني بعثرتهم بعثرة

أثر المصايب ماتجيك إلا من الناس القراب .......... وبهالزمن حتى الرفيق اللـي تثـق فيـه أحـذره

لابارك الله في رفيـق ٍ تزعلـه كلمـة عتـاب .......... ولا جمـع الله الرجـال اللـي تفرقهـم مـره

عودت نفسي كلما شددت لليمه ركاب .......... ما أصد وجهي عن طريق إلا إذا جبت اخبره

الصاحب اللي مايجي من صحبته غير العذاب .......... نذر ٍ علي إن ماهجرني وإلا أنا اللـي بأهجـره

من يفتح لفرقـاي بـاب أفـك لـه عشريـن بـاب .......... وإذا خويـي مايقـدر خوتـي ما أقـدره

إن روحوا فأنا بري منهم ليوم الحساب .......... وإن جرحوا قولوهم ما حركوا فيني اشعرة

شفهم لهم حول السنة ولا خذوا مني جواب .......... أحسن دوا للي يحاول يستفزك تحقره

أنا جمعت أوراقهم بكتاب وأغلقت الكتاب .......... يا وقت لم اللي تلمه وأنثر اللي تنثره

ماكنت أحاتيهم اصغير عاد أحاتيهم شباب .......... أما ذخرني صاحبي لليوم الأسود ما أذخره

عقب أكتئاب البارحه ماعاد أنا حمل إكتئاب .......... الطيب جرجرني وأنـا مانـيب ناقـص جرجـره

اللي يخاف من الظما يترك لنا طرد السراب .......... واللي ماهـو بقـد الظـلام ووحشتـه لا يسهـره

انا تجرعت العطش لين أحترق وجهي وذاب .......... أنـا كسـرت بخاطـري قبـل الصداقـه تكسـره

أنا خسرت اللي غيابه غير عن كل الغياب .......... أنا غفرت لعالم ما تستحق المغفرة

انا أكثر إنسان تعلم من كثر ما أخطأ وأصاب .......... انا آخر لسان يتكلـم فـي زمـان الثرثـره

أنا القصيد اللي فزع من دفتره مليون ناب .......... وأنا الوحيد اللي جمع مليون ناب بدفتره

جفني وجرّحه السهر ، حيلي وهدّته الصعاب .......... دمعي هدر،ضحكي ندر،عمري وضيعت أكثـره

شيبت فعقول العرب ، هيبت روس ٍ ما تهاب .......... جمهـرت نـاس ٍ عمرهـم مايعرفـون الجمهـره

ماصرت ذيب إلا لأن اللي حواليني ذيـاب .......... مـا كنـت أغيـب إلا لأن العفـو عنـد المقـدره

ترى حلاتك لاحملت لصاحبـك كلمـة عتـاب .......... أن مانطقـت بهـا بوجهـه ما تذمـه بظهـره

في هالزمن ما يملي عيون الحسود إلا التراب .......... وألا الحقير الطلقة اللي ما تصيبه تذعره

ودك إليامن جاتك الغلطه من الناس القـراب .......... الصاحـب اللـي ماكسبـت محبتـه ما تخسـره
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الجمهرة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى النجم المرح للنجاح والتفوق :: القسم الادبي :: فضاء الشعر والخاطرة ( المنقول)-
انتقل الى: