بلادنا حتى ولو كان
ياخويا وحبيبي وجاري
نوصيك
لبلاد الحرقة غير خطيك
يا ربي نجينا من ريح
الكفار
قادر يا مولانا كل حراق
لبلادو تهديه
نجينا نجات محمد من
النصار
وريح الغربة لا تخلي
واحد تسقيه
وما بين الموجى والموجى
يا ربي تنجيه
قادر تهدي الريح والكاف
تطويه
يا الحراق نوصيك من غير
بلادك حد ما يتيق فيك
حنا بلاد عزة ونخوة ومن
الهجرة غير خطيك
شوفوا يا خوتي ماراه
ساري
بحكايت الكيف والحرقة
راهم شعلوا ناري
جدي وجدك حروا لبلاد
بسلاح والدم الغالي
ياك بلاد الحرقة ضرة
للوطن لي يبغيك
والضرة مرة ولو كان
تخاف عليك
خذ بالك منها حتى ولو
حنت عليك
علاه تبيع الورد
والدخان والفول والجلبان
وتشري كفن موت
لمقبرة العديان
لا دير على الدنيا
وتزوخ وتقول الهجرة ولي كان يكون
ساعات الضحك مقابلها
سوايع هموم
لا تبداذل بلادك لا
تكون كي الامام بشائعات متهوم
لا يرجعوك في نعش مدفون
لهجرة ساسة عضامك ومن
الكيف مخك ذاب
سرت في الغربة عايش كي
لكذاب
متخمر ببلاد النصراني
والكفار
ربي يهديك وترجع
لشوابين لحنان
دعوتهم تربح وتنال
فكل بلاد كاين هموم
وطغيان
الجزاير ما تلقى كما
البنيان
ساس متين ولي بناوها
مشي فنيان
حد ما قال علينا طغيان
والضيف الا جى
نكرموه حتى ولو كان من
العديان
دير الراي الي يبكيك
وما لي يزوخ غير يكذب عليك
علاش تهرب للخمر
وترفدها بيديك
كيفاش تكذب وتروح
للهلاك برجليك
الكيف والدخان غير
يخذروا فيك
ولي يبيعهم ليك غير
طغيان للموت يديك
فكر في مك وبوك كيفاه
تعبوا عليك
لا تيق فالعديان غير
يغروا فيك
الجزائر بلادنا تتوصى
بيك
حمد ربي على لي في يديك
قادر لي خلق الكون يعفي
عليك وغيرك يبليه
جميع من طار نزل وكل من
سمن هزل
نوصيك يا لغالط لا
تنساش
والساس الراشي ميتبناش
شوفوا بوتفليقة كي ما
نساش
خمم فالشعب ولاجوناس
وما تلقي بلاد رئيسها
كي عبد العزيز
ما يفرق بين النحاس
واللويز
بسلام جمع لكلام
بالحمام لبيض عاش كي الامام
وشمسو رجعت ضوات كي
نجمتنا في الرايات
بوتفليقة رجع لمان
والسلام وحتى لمكان رجعلو لحمام
هذا رئيسنا لعزيز مشي
بالكذب بصح بوتفليقة جا بالبيان
وجبر العديان والطغيان.
الموهوبة : مشري شهرة فاطمة
موضوع: بلادي حتى ولو كان 
31/10/2008, 15:20
